ichkilik

ot 1. Kayf beradigan ichimlik, spirtli ichimlik.

Tantiboyvachcha kechagi bazm va ichkilik kayfini butun kun choʻzilgan uyqu bilan tiniqtirib, qoʻrgʻon eshigidan bogʻ tashqarisiga chiqdi. — Oybek, Tanlangan asarlar

Otabek ichkilikdan qattiq hazar qilar va bu kungacha mayni oʻziga dushman kabi koʻrib kelar edi. — A. Qodiriy, Oʻtgan kunlar

2. Kayf qiluvchi ichimlik bilan mashgʻullik, ichkilik ichish; ichkilikbozlik.

Har kuni mehmon, har kuni tashqarida ichkilik, shovqin-suron bilan vaqt kechiradi. — Oybek, Tanlangan asarlar.