ичак-човоқ

от 1. Одам, ҳайвон ва қушларнинг қоринда жойлашган ички қисмлари, масалан, ошқозон, ичаклар.

Ичак-човоқ гўшт бўлмас, Лаганбардор дўст бўлмас.

Бомбардимонда ичак-човоғи чиқиб кетган бир гўдак унинг кўлида жон берган экан. — А. Мухтор, Туғилиш

Арава бўлса, пастликлардан чиқиб, тушиб, одамнинг ичак-човоқларини чайқаб юборди. — Ойдин, Фонар тагида

2. кўчма Баъзи нарсаларнинг (машина, механизм ва шу кабилар) ички қисмлари.

Бир тракторнинг корни ёрилиб, ичак-човоқлари сочилиб ётибди. — Муштум

Ҳайдашни билган билан ичак-човоғини тушунмайман. — С. Нуров, Нарвон

ishek-shabaq