hush
ҳушhush
ot Kishining biror narsa-hodisani sezish, idrok etish, anglash qobiliyati, shunday sezgi, idrokka ega holat.
Kumush seskanib oʻziga keldi. Xushdan ajralayozgan bechoralar [qutidor, Oftob oyim] bu holdan bir oz jonlangandek boʻldilar. — A. Qodiriy, Oʻtgan kunlar
Uning gapi Sidiqjonning qulogʻiga kirmas edi. Sidiqjon to hushini oʻnglaguncha, Boltaboy bostirmaga kirib keldi. — A. Qahhor, Qoʻshchinor chiroqlari
- Hushi (boshidan) uchmoq 1. Hushini, oʻzini yoʻqotmoq. Daraksiz degan soʻzni eshitdi-yu, onaning hushi boshidan uchdi. — I. Rahim, Chin muhabbatOʻlimni birinchi marta koʻrganim uchunmi, hushim uchib, qotib qoldim. — O. Yoqubov, IzlaymanBirdan bosdi orqadan Toʻpolon, miltiq tovushi. Shu choq yoʻlovchilarning Uchdi boshidan hushi. — GʻayratiyDovullayotgan yuzini kafti bilan silagancha yurib ketdi, hushi uchgancha, avtobusga oʻtirdi. — Oʻ. Hoshimov, Qalbingga quloq sol
- Hushi ketmoq Biror narsaga mahliyo boʻlmoq; yetishishni orzu qilmoq. Bolada, murti sabza urib qolgan boʻlsa hamki, bolaligini qoʻymaydi: behiga hushi ketdi, deb oʻyladi qora-bayirdagi keksa kishi. — M. Ismoiliy, Fargʻona tong otguncha
- Hushiga kelmoq Es-hushi, idroki oʻz holiga kelmoq. Hamma uning boʻzargan yuziga tikilib, hushiga kelishini sabrsizlik bilan kutmoqda edi. — P. Tursun, OʻqituvchiOta hushiga kelib, koʻzini ochdi. — M. Mahmudov, Mangu kuy izlab
- Hushidan ketmoq Es-hushini yoʻqotmoq; oʻzidan ketmoq. Topdi, jigarbandini topdi, Xosiyat xola muzdek marmar toshni quchoqlab, hushidan ketdi. — R. Fayziy, Choʻlga bahor keldiYaralangan Abdullayev qimir etmay hushidan ketdi. — T. Rustamov, Mangu jasorat
- Hushini yigʻmoq Es-hushini meʼyoriy holga keltirmoq. Iskanderov bir seskanib, yana hushini yigʻib oldi. — S. Ahmad, Bosh ogʻrigʻiHovli oʻrtasida qaqqayib turgan Meʼmor nihoyat hushini yigʻib oldi. — Mirmuhsin, Meʼmor
- Hushini olmoq Es-hushidan ayirmoq; es-hushini oʻziga tortmoq, mahliyo qilmoq. Baxt Gʻulomjonning hushini olib qoʻydi. — M. Ismoiliy, Fargʻona tong otgunchaQorongʻi kechada vavagʻ va bitbildiqlari bilan kishi hushini olguvchi bedanalar — M. Ismoiliy, Fargʻona tong otguncha