HTTP holati kodi

HTTP holati kodi (ingl. HTTP status code) server javobi birinchi qatorining boʻlagi. Uchta arab raqamlaridan iborat butun son. Birinchi raqam holat klassni koʻrsatadi. Hozirgi paytda holat kodlarning 5 ta klassi belgilangan: 1xx Informational (Axborot beruvchi) - soʻrov olingan va tushunilgan, ishlov davom etayapti. 2xx Success (Muvaffaqiyat) - soʻrov muvaffaqiyatli olindi, tushunildi va ishlovlandi. 3xx Redirection (Qayta marshrutlash) - soʻrovni bajarish uchun keyingi harakatlar qilinishi kerak. 4xx Client Error (Mijoz xatosi) - soʻrov yomon sintaksisga ega yoki bajarilishi mumkin emas. 5xx Server Error (Server xatosi) - server ushbu soʻrovni bajarish qobiliyatiga ega emas. Quyida IANA holati kodlari roʻyxatidan baʼzi javob kodlari keltirilgan: 301 Resurs doimiy ravishda koʻchirilgan - hujjat server tomonidan ishlatilmaydi, ishorat esa boshqa sahifaga yoʻnaltiradi. 303 Boshqa resursga qarang - soʻralgan resurs boshqa manzilda joylashgan va uni GET usulidan foydalangan holda soʻrov qilish kerak. 307 Vaqtinchalik qayta marshrutlash - soʻralgan resurs vaqtinchalik boshqa manzilga oʻtkazilgan. 403 Resursga kirish taqiqlangan - koʻpgina holatlarda hujjatga kirish uchun maxfiy soʻz kiritish yoki roʻyxatdan oʻtgan foydalanuvchi boʻlishi kerak. 404 Resurs topilmadi - hujjat mavjud emas. 500 Serverning ichki xatosi - server oldindan kutilmagan shart bilan toʻqnashdi va bu soʻrovni bajarish imkoniyatini bermayapti. 503 Xizmatdan foydalanish mumkin emas - vaqtinchalik yuklanganligi yoki oʻchganligi sababli xato kelib chiqdi va serverga texnik yordam koʻrsatilmoqda.