hosil
ҳосилhosil
ot 1. Ekin, daraxt kabilardan yetishtiriladigan, olinadigan don, sabzavot va shu kabilar
Xalqim yetishtirgan hosil choʻgʻiga Baland togʻlar hayron qarab turibdi. A. Oripov, Yillar armoni. tarvuzning eng qimmatli navlari ekilib, moʻl hosil olindi. — Gazetadan
Samarqand atrofidagi bogʻlarda mevali daraxtlarning shoxlari, yetilgan hosildan egilib, yerga salom beradi. — Saodat
Bu yil hosil miqdoridan tashqari tola sifatiga alohida eʼtibor beriladi. — Gazetadan
2. Hosil (erkaklar ismi).
- Ishonch hosil qilmoq
- Murod hosil boʻlmoq Maqsad amalga oshmoq, orzu ushalmoq. Bu bilan murod hosil boʻlmaydi: kattaroq miqyosdagi ishni oʻylash kerak. — K.Yashin. Hamza, Sen yoʻliqib hosil boʻldi murodim Nurali
- Qanoat hosil qilmoq
- Hosil boʻlmoq Yuzaga kelmoq, paydo boʻlmoq. Toʻgʻon bitib, jar oʻrniga katta koʻl hosil boʻldi. — S. Yunusov, Kutilmagan xazinaReaktorda hosil boʻladigan issiqlikni chiqarib tashlash uchun ikki konturli sistema qoʻllanadi. — Fan va turmushYosh yigitning koʻnglida tomchilardan hosil boʻlgan sevgi tobora chuqurlasha berdi. — P. Tursun, Oʻqituvchi
- Hosilga kirmoq Hosil bera boshlamoq (asosan meva, mevali daraxt haqida). Hovlilarda hosilga kirgan nok, olmalar koʻzga tashlanadi. — Oʻzbekiston koʻriklari