ҳўнграмоқ

фл. Ҳўнгир-ҳўнгир, ҳўнг-ҳўнг товуш чиқармоқ, шундай товуш чиқариб йиғламоқ.

Канизак Бирдан лаби пирпираб, ҳўнграб юборди-да, дуррасининг учи билан юзини бекитиб, тескари ўгирди. — А. Қаҳҳор, Қўшчинор чироқлари

дарахтлар орқасидан ҳўнграб йиғлаган товуш эшитилди. — Ойбек, Танланган асарлар

Армон бари бир дош беролмади, ҳўнграганча, уйга отилди. — Ёшлик

Сорахон ўзини диванга кўтариб уриб, бир товуши билан ҳўнграб йиғлади. — А. Қаҳҳор.