ҳожи

от 1. Каъбани зиёрат этган, ҳаж қилган одам.

Маъсума бека шогирдлар юзидаги мамнуниятни кўриб, гап ташлади: — Маккадан ҳожи келганда ҳам бунчалик қилинмайди. — Мирмуҳсин, Меъмор

Фуод афанди бандалик қилгандан кейин, ҳаждан келаётган бир ўзбек ҳожига тегдим. — М. Исмоилий, Фарғона тонг отгунча.

2. Ҳаж қилиб, Каъбани зиёрат қилиб келган кишининг фахрий унвони, лақаби.

Ҳожи бува. Ҳожи ака.

— Саройда на гап, ҳожи ота? — деб сўради Аваз пиёлада чой узатиб. — С. Сиёев, Ёруғлик

Абдурасулнинг отаси Пиримқул ҳожига қарол бўлган экан. — П. Турсун, Ўқитувчи