hoji

ot 1. Kaʼbani ziyorat etgan, haj qilgan odam.

Maʼsuma beka shogirdlar yuzidagi mamnuniyatni koʻrib, gap tashladi: — Makkadan hoji kelganda ham bunchalik qilinmaydi. — Mirmuhsin, Meʼmor

Fuod afandi bandalik qilgandan keyin, hajdan kelayotgan bir oʻzbek hojiga tegdim. — M. Ismoiliy, Fargʻona tong otguncha.

2. Haj qilib, Kaʼbani ziyorat qilib kelgan kishining faxriy unvoni, laqabi.

Hoji buva. Hoji aka.

— Saroyda na gap, hoji ota? — deb soʻradi Avaz piyolada choy uzatib. — S. Siyoyev, Yorugʻlik

Abdurasulning otasi Pirimqul hojiga qarol boʻlgan ekan. — P. Tursun, Oʻqituvchi