ҳисобли

сфт. 1. Ҳисоби, сони, миқдори белгили.

Омонатин ахир бир кун олади, Ҳисобли кун ахир бориб тўлади — Эрали ва Шерали

2. Ҳисобга олинган, ҳисобда бор; ўлчовли.

Ўрмондаги турмушни ўз кўзинг билан кўриб турибсан. Ҳар бир қултум сув, ҳар бир бурда нон ҳисобли. — И. Рахим, Чин муҳаббат

вақтингни кўп олиб ўтирмай. ҳар минутинг ҳисобли. — Ё. Хайимов, М. Раҳмон, Ҳаёт-мамот.

3. Унча кўп эмас, чекланган миқдордаги, саноқли.

Янги йилга ҳисобли кун қолди.

4. Ўзаро ҳисоби, ҳисоб-китоби жойида бўлган.

Ҳисобли дўст айрилмас. — Мақол