ҳикоя

от 1. Кимса, нарса ва у билан боғлиқ воқеа-ҳодисаларнинг оғзаки тафсилий баёни.

Мулла Фазлиддин ёш Бобурга Навоий ҳақида жуда кўп ажойиб ҳикоялар айтиб берган эди. — П. Қодиров, Юлдузли тунлар

Ғойиб энди студентликнинг олтин даври ҳақида завқ-шавқ билан ҳикоя бошлади. — Ж. Абдуллахонов, Орият

Чол бошлар умрининг ҳикоясини, Бир-бир сўйлаб чиқар бор-барчасини. — Ҳ. Олимжон

2. Эпик турга мансуб кичик ҳажмли жанр; шу жанрда ёзилган асар (сюжет ва композициянинг нисбатан соддалиги, баённинг бир шахс томонидан олиб борилиши билан роман ва повестдан фарқланади; асосан насрий ифодага эга бўлади).

Ҳикоя ёзмоқ. Абдулла Қаҳҳорнинг ҳикоялари. Ҳикоялар тўплами.

Ёзувчиларимиздан Саида Зуннунова, Раҳмат Файзий оила масаласида анчагина ҳикоя ёзишган. — Муштум