haybat

ҳайбат

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

haybat

ot 1. Ulugʻvor koʻrinish; vajohat, salobat.

Baʼzida togʻlar haybati, dengizlar toʻlqiniga qarab, bu moʻjiza oldida beixtiyor ichimizdan xoʻrsiniq keladi. Shukrullo, — Javohirlar sandigʻi

[Ochil buva] Chinortogʻ etagida haybat bilan qorayib turgan chinorga uzoqdan tikilib, tong ottirdi. — A. Muxtor, Chinor

Mozoriston haybati, mozoriston sukunati uni gʻamgin oʻylar girdobiga botiradi. — S. Siyoyev, Yorugʻlik

2. koʻchma Vahimali his-tuygʻu, shunday his-tuygʻu uygʻotuvchi narsa, holat; vahm.

Ahmadbek mindi tarlonning beliga, Haybat bilan qaradi sogʻ-u soʻliga. — Oysuluv

Ajdarho domiga Shakar ketadi, Ajdarho haybati shunday boʻladi. — Shirin bilan Shakar

Haybat qilmoq Erkak tahdidli tovush bilan ayolga haybat qilardi: — Men senga aytyapman, ovozingni chiqara koʻrma, sekin oldimga tush. — F. Nasriddinov, Tundagi voqeaYoʻlbars kabi joydan tursang qoʻzgʻalib, Har tarafga haybat qilsang na boʻldi? — Nurali