hayajon
ҳаяжонhayajon
ot Biror favqulodda ish, hodisa va boshqalar sababdan ichki toʻlqinlanish, bezovta holat; bezovtalik.
Koʻnglida ifodasiz bir umid, hayajon ila oʻsha dilxush roʻyoning takrorlanishini intiq boʻlib kutadi. — S. Siyoyev, Avaz
Qiz dahlizda, eshik orqasida kuchli hayajon va sarosimada turgan Gulnorni quchoqladi, sekin shivirladi: — Qaygʻurmang, opajon. — Oybek, Tanlangan asarlar
Sherbekda uygʻongan ruhiy koʻtarinkilik chehrasini yoritib, aʼzoyi badani hayajondan titradi. — S. Anorboyev, Oqsoy
- Hayajonga kelmoq Keksa choʻpon, kesilgan ikki qulogʻi va burniga kuydirilgan namat bosib, sizib oqayotgan qonni toʻxtatishga harakat qilar edi. Kutilmagan bu fojiadan hayajonga kelgan odamlar uning atrofini oʻrab oldilar va ustma-ust savol yogʻdira boshladilar. — M. Osim, Ajdodlarimiz qissasi