ҳаяжон
hayajonҳаяжон
от Бирор фавқулодда иш, ҳодиса ва бошқалар сабабдан ички тўлқинланиш, безовта ҳолат; безовталик.
Кўнглида ифодасиз бир умид, ҳаяжон ила ўша дилхуш рўёнинг такрорланишини интиқ бўлиб кутади. — С. Сиёев, Аваз
Қиз даҳлизда, эшик орқасида кучли ҳаяжон ва саросимада турган Гулнорни қучоқлади, секин шивирлади: — Қайғурманг, опажон. — Ойбек, Танланган асарлар
Шербекда уйғонган руҳий кўтаринкилик чеҳрасини ёритиб, аъзойи бадани ҳаяжондан титради. — С. Анорбоев, Оқсой
- Ҳаяжонга келмоқ Кекса чўпон, кесилган икки қулоғи ва бурнига куйдирилган намат босиб, сизиб оқаётган қонни тўхтатишга ҳаракат қилар эди. Кутилмаган бу фожиадан ҳаяжонга келган одамлар унинг атрофини ўраб олдилар ва устма-уст савол ёғдира бошладилар. — М. Осим, Аждодларимиз қиссаси