hay-hay
ҳай-ҳайhay-hay
1. Hay soʻzidan takroriy shakl.
— Hay-hay, shaxtingizdan qayting-a, — dedi Hoshim Gʻulom akaga. — J. Abdullaxonov, Toʻfon
Kampirning hay-hayiga qaramasdan, eshikka chiqdim. P. Tursun, Oʻqituvchi. Qiziqmisizlar, jiyanlar? Hay-hay, uyat boʻladi — Mushtum
— Hay-hay, sizga nima boʻldi? — dedi Meʼmor yugurib borib. — Mirmuhsin, Meʼmor
2. Hayron qolish, hayratlanishni bildiradi.
Yoʻqlamagan har kuning yilcha boʻlurmi, hay-hay! — S. Zunnunova
Eshik oldiga yetganda, toʻsatdan toʻxtab, orqasiga oʻgirilgan edi, hay-hay, yuzlari tabassum nuridan gul-gul yashnab ketibdi. — X. Toʻxtaboyev, Shirin qovunlar mamlakati
- Hay-hay solmoq Shovqin-suron koʻtarmoq, hayqirmoq, hayhaylamoq. Yetti mahalladan oʻtarli baqiriqni eshitgan qoʻni-qoʻshnilar sarosimaga tushib, kim sham, kim piltachiroq, kim fonus koʻtarganicha, hay-hay solib, yopirilib kelib qolishdi. — N. Maqsudiy, Laylatulqadr