ҳамоҳанг

1. Оҳангдош, бир хил оҳангли.

Соҳилларда най чалай, Куйла, ҳамоҳанг бўлай. — Миртемир

Ҳамоҳанг жаранглар бирдай куйимиз, Узоқ-узоқларда яшаймиз гарчанд. — Зулфия

2. кўчма Бир-бирига уйғун, монанд; мос, бир хил.

Буюк дўстлар ҳижронда ҳам фикрдош. Улуғ қалблар тепаётир ҳамоҳанг. — М. Шайхзода

Қушлар товуши, сувлар шовқини қалбимизга ҳамоҳанг, яқин. — Уйғун

Қия ўтирган Ҳаётнинг чекка томирлари лўқиллар, беқасам камзулига тиқилиб турган бўлиқ кўкраги нафасига ҳамоҳанг бўлиб, гоҳ кўтарилар, гоҳ тушар эди. — М. Исмоилий, Фарғона тонг отгунча.

Бадиа қулочларини ёзиб, чирманда гижбангига ҳамоҳанг ўйинга тушиб кетди. — Мирмуҳсин, Меъмор