ҳал

hal

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ҳал И

Ечимини топган, бир ёқли этилган; нима қилиш лозимлиги аниқланган (муаммоли, чигал масала ҳақида).

Масала ҳал.

Ҳар лаҳза замонлар умридек узун, Асрлар тақдири лаҳзаларда ҳал. — Ғ. Ғулом

Бир масаланинг ҳали учун қошингизга келган эдим. — Ойбек, Навоий

Ҳал қилмоқ (ёки этмоқ) 1. Бирор масала, муаммо юзасидан аниқ тўхтамга келмоқ, муаммони бартараф этмоқ, ечмоқ. Олтин муаммосини ҳал этиш — геология олдида кўндаланг турган ғоят улкан вазифалардан бири. — С. Кароматов, Олтин қумҲар турли мушкулотларни ҳам ақл билан ҳал этмишлар. — Ойбек, НавоийБу масалани мутахассислар ҳал қилишади. — М. Хайруллаев, Тилла маржонҲали корхонада ҳал қилинмаган муаммолар анчагина. — Газетадан;Кузги ҳосил тақдирини сафарбарлик, уюшқоқлик, қатъият ҳал қилади. — ГазетаданБу ерда масалани соат эмас, минутлар ҳал қилади. — М. Мухамедов, Қаҳрамон изиданМирзамуҳаммад Расулович ходимларнинг орқасидан тақдирларини ҳал қиладиган бошлиқлардан эмасди. — Ф. Мусажонов, ҲимматҲал қилувчи ўйинда спартакчи қизлар ўзига хос чаққонлик, ирода ва йиғинчоқлик кўрсатишди. — Газетадан

ҳал ИИ

Тилла, кумуш ёки бронза кукунидан ясалган бўёқ.

Деҳлидаги масжид ва мезаналарнинг керагидан ортиқча ҳалларини, кошинларини, нақшларини қаердадир кўргандаймиз. — З. Акрамов, Ҳиндистон лавҳалари

Тонг аллақачон отган, дарахт учларига олтин ҳал юритилгандек эди. — С. Аҳмад, Чўл шамоллари