гуруҳ

от 1. Бир тўп одам, тўда.

Жангчилар кичик гуруҳларга бўлиниб, қишлоқ оралаб кетдилар. — Ойбек, Қуёш қораймас

Бир гуруҳ эски танишларим билан суҳбат қурдим. — Ш. Рашидов, Янги ер ҳақида сўз

2. Мақсад, маслак, фаолият ва шу кабилар умумийлиги асосида шаклланган расмий ёки норасмий жамоа.

Текширувчилар гуруҳи. Илмий гуруҳ.

3. Умумий белги, хусусиятга эга бўлган бир турдаги нарса, ҳодисалар мажмуи, туркуми.

Юлдузлар гуруҳи. Сутемизувчилар гуруҳи.

4. Дарс, машғулот ўтказиш мақсадида бирлаштирилган кишилар, талабалар бўлинмаси, тўпи.

Ҳуқуқий билимларни ўрганувчилар гуруҳи. Биринчи курснинг араб тилида таҳсил олувчи талабалар гуруҳи.

5. Табақа, тоифа; даража.

Иккинчи гуруҳ ногирони.