гумбур

gumbur

1 та луғатда учрайди ЖСОН Шеваларда Барча қидирув натижалари

Изоҳли луғат

гумбур

от 1. Портлаш чоғида чиқадиган ёки портлашга ўхшаш кучли, давомли товуш ҳақида.

Базм борган сари қизимоқда, чирманда гумбурига қўшилиб, ялпи қийқириқлар эшитилмоққа бошлади. — Ойбек, Танланган асарлар

Ноғоралар гумбури ва карнайлар садоси яна осмон-у фалакка чиқди. — О. Ёқубов, Кўҳна дунё

2. сфт. Мустаҳкам, пишиқ-пухта.

Гумбур арава.

— Машина гумбур,— деди Ражаб ака,— Энди бу ёғи сенга боғлиқ, ука! — К. Раҳим, Ўз касбини севган йигит

Аравалар гумбур, отлар семиз, керакли анжомлардан ташқари, турли ҳашамлар билан безатилган. — Ҳ. Нуъмон, А.Шораҳмедов, Ота

Иш гумбур Иш жуда яхши, иш авжида. [Мирзарайим Гулжонга:] Мана шу хат билан иш гумбур. Гулжонни лўкиллатамиз-қўямиз — Ҳамза, Паранжи сирлариУнинг [Миркомилнинг] ишлари гумбур. — К. Яшин, Ҳамза