gumbaz
гумбазgumbaz
ot 1. Qubba shaklidagi tom; qubba taxlitidagi narsa.
Sirk gumbazi. Hammom gumbazi.
Toʻgʻrida Hirot madrasalarining naqshli gumbazlari ertalabki quyosh nurida yarqirab koʻrinmoqda. Uygʻun va I. — Sulton, Alisher Navoiy
— Gumbazni koshin bilan bezatmoqchi boʻlibsiz, koshiningiz yetarlimi? — dedi [Xonzoda]. — P. Qodirov, Yulduzli tunlar
2. koʻchma Besoʻnaqay, katta, semiz odam haqida.
Tunov kuni xolamnikiga borgan edim, xolam hamma gapni Homid choʻchqaning qulogʻiga yetkazuvchi oʻz qizi Zaynab gumbaz boʻlganini birma-bir aytib berdi. — A. Qodiriy, Oʻtgan kunlar
- Koʻk gumbazi Bola har kun kelar oqshomda, Tut tagiga borib oʻtirar Va sarhadsiz niliy osmonga — Koʻk gumbazga boqib oʻy surar. — X. Davron, Tungi bogʻlar