ғулув

от 1. Келишмовчилик, норозилик ва шу кабиларни ифодаловчи овоз, хатти-ҳаракат; ғавғо, тўполон, жанжал.

Подшонинг уруши учун тутун пули ҳам, дон ҳам, мой ҳам кор қилмай қолди. Энди подшо мардикор сўради. Шунда ҳамма ерда ғулу чиқди. — П. Турсун, Ўқитувчи

Капсанчилар ғулу кўтаришган экан, княз шаҳардан саллот чақираман, деб босибди. — А. Қаҳҳор, Қўшчинор чироқлари

Ариқустиликлар бек тарафидан солинган солиқни вақтида тўлолмай, ғулув кўтаришди. — Ш. Холмирзаев, Қил кўприк

2. Киши руҳи, дилидаги нотинч, безовта ҳолат; нотинчлик, безовталик.

Кечалари мизғимас меъмор, Муҳандисда ўзгача ғулу. — М. Али

3. ад. Муболағанинг учинчи даражаси: маълум нарса, белги, ҳолат ёки ҳаракатни ақл бовар қилмайдиган, ҳаётда ҳам рўй бермайдиган тарзда тасвирлашдан иборат шеърий санъат.