gulob

ot 1. Atirgul gulbargidan maxsus usulda olinadigan suv.

Bahor daraxtlarni yosh kelinlardek bezatib, ustlariga oq, qizil koʻylak kiygizgan, kokillariga gulob sepgan edi. — M. Osim, Oʻtror

Gulob bilan yuvayinmi zulfingni? Shamol boʻlib gul yuzingni silaymi? — Uygʻun.

2. Atirgul suvidan tayyorlangan shirin ichimlik; sharob; may.

[Navoiy:] Gulob. [Mansur kosani uzatib] Mana, pirim, gulob. Uygʻun va — I. Sulton, Alisher Navoiy

Nihoyat, Oʻtar bobo xonning mushkulini oson qilmoqni oʻylab, gulobga oz-ozdan afyun qoʻshib bera boshladi. — S. Siyoyev, Avaz