Гражданская поэзия

Insonning ozod va erkin yashashini, vatanning ulugʻvorligi va daxlsizligini tarannum etuvchi lirik sheʼrlar. A. N. Radishchev, A. S. Pushkin, M. Yu. Lermontov, N. A. Nekrasov hamda rus sovet shoirlari grajdanlik poeziyasining ajoyib namunalarini yaratdilar. Bunday poeziya har bir xalq adabiyotidan muhim oʻrin olgan. Koʻp asrlik oʻzbek adabiyotida grajdanlik poeziyasining nodir namunalarini uchratamiz. Navoiy, Bobir, Muqimiy, Furqat gʻazallarida, oʻzbek sovet adabiyotining Hamza, Oybek, Hamid Olimjon, Gʻafur Gʻulom, Maqsud Shayxzoda, Uygʻun, Hamid Gʻulom, Turob Toʻla, Mirmuhsin, Erkin Vohidov, Abdulla Oripov kabi namoyandalari ijodida grajdanlik poeziyasi salmoqli oʻrin egallaydi., grajdanlik poeziyasi

Toleim shulkim, vatanda bir guliston tanladim, Baxtni topgan el bilan jondosh boʻlib otdim odim; Yoʻldan ozganlarga hech bir boʻlmadim men qaygʻudosh, Shul sababdankim, mening bagʻrimda joy olmish quyosh, Shul sababdankim, vatanda boʻlmadim ilhomi xor, Shul sababdan menga yotdir baxt taloq etgan diyor. — Ҳамид Олимжон