grafik karta

Kompyuter xotirasida joylashgan tasvirni monitor uchun videosignalga oʻgiruvchi qurilma. Videokarta, grafik plata, grafik tezlashtirgich, videoadapter deb ham ataladi. Grafik karta odatda kengaytirish platasi boʻlib, u universal (PCI Express, PCI, ISA, EISA, MCA) yoki maxsus (AGP) kengaytirish razyomiga oʻrnatiladi, biroq u tizim platasi ichiga oʻrnatilgan (integratsiyalashgan) boʻlishi ham mumkin. Zamonaviy grafik kartalar tasvirni chiqarish bilan cheklanib qolmay, ular qoʻshimcha ishlov berish vazifalarini bajarishi mumkin boʻlgan va kompyuter markaziy protsessorini shu vazifalardan ozod etadigan, ichiga oʻrnatilgan grafik mikroprotsessorga ega. Misol uchun, barcha zamonaviy NVIDIA va AMD (ATi) grafik kartalari OpenGL ilovalarini apparat pogʻonasida qoʻllaydi.английскийgraphic cardрусскийграфическая карта