gʻoyib

ғойиб

1 ta lugʻatda: Izohli yana 5 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

gʻoyib

rvsh. 1. Shu yerda yoʻq, mavjud emas; koʻrinmay ketgan, yoʻq boʻlib ketgan.

Shu paytda bir kabutar ajoyib, Koʻkda borar goh koʻrinib, goh gʻoyib. — S. Abdulla, Tohir va Zuhra

2. Tangri, iloh.

Keyin iloji boricha yumshoq gapirishga urinib, nasihat qilib qoʻydi: — Gʻoyibning ishini bandasi bilmaydi — K. Yashin, Hamza

Eshikdan chiqishi hamon, Anvarga raqibligini oshkor qilib qoʻymaslikni gʻoyibdan tiladi. — Sh. Xolmirzayev, Qil koʻprik

3. Gʻoyib (erkaklar ismi).

Gʻoyib boʻlmoq 1. Koʻzga koʻrinmay qolmoq, yoʻq boʻlib qolmoq. Maʼmurjon orqasiga qaray-qaray, muyulishdan oʻtib, gʻoyib boʻldi. — Sh. Xolmirzayev, Toʻlqinlar;[Komila] Tongda kampirnikiga keldi. Kirsa, Matniyoz yoʻq. Matniyoz ketib qolgan edi. Qayoqqa gʻoyib boʻlganligi nomaʼlum. — A. Muxtor, Chinor;Bundan besh yil ilgari bir sabab bilan bu xayollar butunlay gʻoyib boʻlib, ularning oʻrnini boshqa fikrlar egalladi. — M. Aliyev, Qalb soʻzlari yozilgan maktub
Ilmi gʻoyib Bu ilmi gʻoyib. Hozircha bir narsa deyish qiyin. — N. Safarov, Don