Гомеровский вопрос

Qadimgi grek adabiyotida juda koʻp tortishuvlarga sabab boʻlgan, hozirga qadar hali hal qilinmagan munozarali masalalardan biri. Bu masalaning mohiyati «Iliada» hamda «Odisseya» dostonlarining avtori Gomermi yoki u emasmi, Gomer degan shaxs haqiqatan boʻlganmi yoki yoʻqmi degan munozaralar tashkil etadi. Baʼzi taxminlarga koʻra, Gomer eramizdan oldingi XII asrda, baʼzi taxminlarga koʻra esa, eramizdan oldingi VIII—VII asrlarda yashagan shaxs emish. Biroq bu taxminlar konkret dalillar asosida tasdiqlanmay kelmoqda. «Iliada» va «Odisseya»ning asosiy qismlari, nemis olimi Fridrix Avgust Volf (1759—1824)ning fikricha, Gomer tomonidan yaratilgan va dastlab xalq orasida ogʻizdan ogʻizga oʻtib yurgan. Faqat VI asrga kelgandagina bu dostonlar hukmdor Pisistratning topshirigʻi bilan yozib olingan emish. G. V. Nich (1790—1861) ning fikricha, «Iliada» va «Odisseya» gʻoyat isteʼdodli bir shaxs tomonidan yaratilgan va bu yagona shaxs Gomerdan oʻzga kishi emas. Xullas, Gomer masalasi hozirga qadar hal qilinmagan., Gomer masalasi