Гомеровский вопрос

Қадимги грек адабиётида жуда кўп тортишувларга сабаб бўлган, ҳозирга қадар ҳали ҳал қилинмаган мунозарали масалалардан бири. Бу масаланинг моҳияти «Илиада» ҳамда «Одиссея» достонларининг автори Гомерми ёки у эмасми, Гомер деган шахс ҳақиқатан бўлганми ёки ёʻқми деган мунозаралар ташкил этади. Баъзи тахминларга кўра, Гомер эрамиздан олдинги ХИИ асрда, баъзи тахминларга кўра эса, эрамиздан олдинги ВИИИ—ВИИ асрларда яшаган шахс эмиш. Бироқ бу тахминлар конкрет далиллар асосида тасдиқланмай келмоқда. «Илиада» ва «Одиссея»нинг асосий қисмлари, немис олими Фридрих Август Волф (1759—1824)нинг фикрича, Гомер томонидан яратилган ва дастлаб халқ орасида оғиздан оғизга ўтиб юрган. Фақат ВИ асрга келгандагина бу достонлар ҳукмдор Писистратнинг топшириғи билан ёзиб олинган эмиш. Г. В. Нич (1790—1861) нинг фикрича, «Илиада» ва «Одиссея» ғоят истеъдодли бир шахс томонидан яратилган ва бу ягона шахс Гомердан ўзга киши эмас. Хуллас, Гомер масаласи ҳозирга қадар ҳал қилинмаган., Гомер масаласи