ГОЛОВКИ БУРИЛЬНЫЕ ШЕСТИШАРОШЕЧНЫЕ

Olti sharoshkali burgʻi boshchalari — poʻlat va qattiq qotishmalardan yasaladi. Poʻlatli (frezerlangan) jihozlangan (birinchi sinf) burgʻi boshchasining birinchi turi ST oʻrtacha qattiqlikdagi jinslarni burgʻilash uchun tayyorlanadi. 21VK190/80 ST (G.8-rasm) va 21VK214/80ST modellari eng koʻplab ishlab chiqariladi. Sharoshkalar sirganuvchi podshipnikka oʻrnatilgan (qattiq qotishma bilan qoplangan). Kern qabul qilishi past, kernning diametri 80 mm gacha. Ikkinchi sinfga mansub olti sharoshkali burgʻi boshchalari uch turda tayyorlanadi: STZ, TKZ va K. STZ boshchasi 10NK190/80STZ shrifti bilan 10 (10NK) seriyada oz miqdorda ishlangan. Qattiq va oʻrtacha qattiqlikdagi abraziv jinslar (zich mergel, qumtosh, angidrit, alevrolit, gilli slaneslar va b.)da kern olinadigan burgʻilashga moʻljallangan. Sharoshkalari G25 raqamli qattiq qotishmali ponasimon tishlar bilan jihozlangan. Sharoshkalarning orqa tomoni G54 qattiq qotishmali qoʻshimcha quyma bilan mustahkamligi oshirilgan. TKZ turi boshchasi 20, 21, 25 seriyalarda tayyorlanishi mumkin. 20-seriyada chiqarilgan kern qabul qilgichning balandligi qisqa, diametri katta, korpusi payvandlangan. 21-seriyadagi burgʻi boshchasining modeli ikki xil: 21VK190/80TKZ va 21NK 214/80TKZ. Jihozlangan sharoshkalar shakli 20NK190/80TKZ nikiga oʻxshash. 25-seriyadagisi 21-seriyadan sapfining konussimon shakli bilan farqlanadi. K turdagi burgʻi boshchasi bir modifikatsiyada 20NK190/80K ishlab chiqariladi. Sharoshkalari kern va quduq hosil qiluvchi qattiq qotishmali G26 shaklli tishlar bilan jihozlangan.