ГОЛОВКИ БУРИЛЬНЫЕ ШЕСТИШАРОШЕЧНЫЕ

Олти шарошкали бурғи бошчалари — пўлат ва қаттиқ қотишмалардан ясалади. Пўлатли (фрезерланган) жиҳозланган (биринчи синф) бурғи бошчасининг биринчи тури СТ ўртача қаттиқликдаги жинсларни бурғилаш учун тайёрланади. 21ВК190/80 СТ (Г.8-расм) ва 21ВК214/80СТ моделлари энг кўплаб ишлаб чиқарилади. Шарошкалар сирганувчи подшипникка ўрнатилган (қаттиқ қотишма билан қопланган). Керн қабул қилиши паст, керннинг диаметри 80 мм гача. Иккинчи синфга мансуб олти шарошкали бурғи бошчалари уч турда тайёрланади: СТЗ, ТКЗ ва К. СТЗ бошчаси 10НК190/80СТЗ шрифти билан 10 (10НК) серияда оз миқдорда ишланган. Қаттиқ ва ўртача қаттиқликдаги абразив жинслар (зич мергел, қумтош, ангидрит, алевролит, гилли сланеслар ва б.)да керн олинадиган бурғилашга мўлжалланган. Шарошкалари Г25 рақамли қаттиқ қотишмали понасимон тишлар билан жиҳозланган. Шарошкаларнинг орқа томони Г54 қаттиқ қотишмали қўшимча қуйма билан мустаҳкамлиги оширилган. ТКЗ тури бошчаси 20, 21, 25 серияларда тайёрланиши мумкин. 20-серияда чиқарилган керн қабул қилгичнинг баландлиги қисқа, диаметри катта, корпуси пайвандланган. 21-сериядаги бурғи бошчасининг модели икки хил: 21ВК190/80ТКЗ ва 21НК 214/80ТКЗ. Жиҳозланган шарошкалар шакли 20НК190/80ТКЗ никига ўхшаш. 25-сериядагиси 21-сериядан сапфининг конуссимон шакли билан фарқланади. К турдаги бурғи бошчаси бир модификацияда 20НК190/80К ишлаб чиқарилади. Шарошкалари керн ва қудуқ ҳосил қилувчи қаттиқ қотишмали Г26 шаклли тишлар билан жиҳозланган.