GNU

Rekursiv akronim (inglizcha “GNUʼs Not UNIX” - “GNU – bu Unix emas!”) - erkin UNIX kabi operatsion tizim, GNU loyihasi tomonidan ishlab chiqilmoqda. GNU tizimini ishlab chiqarish 1983 yil 27 sentyabrda boshlangan. Unda Richard Stolman net.unix-wizards va net.usoft yangiliklar guruhida loyiha eʼlonini bergan. 1984 yil 5 yanvarda Stolman Massachusets Texnologiya institutidan ishdan boʻshab, oʻz vaqtini erkin operatsion tizimni yozishga bagʻishladi. Shu bilan birga institut uning ishi boʻyicha tizimning dastlabki kodiga hech qanday huquqi boʻlmasligini istagan. GNUning birinchi dasturi Emacs matn redaktori boʻldi. Hozirgi paytda GNU/Linux tizimi keng ommaga Linux nomi bilan tanilgan, anchagina tarqalgan (ayniqsa serverlar bozorida) va aytarli yakunlangan hisoblanadi.GNU's Not UNIX