Glyatsiodislokatsiyalar

shimoliy kengliklarda qitʼa muzliklari harakati bosimi yoki muz ogʻirligi taʼsirida plastik jinslarni siqib chiqarilishidan hosil boʻlgan burmalar. Bunday burmalar yosh kaynozoy va mezozoy yotqiziqlarida, ularning yuqoriga, gipsometrik koʻtarilgan joylarida uchraydi. harakatlanayotgan muzlik oʻz yoʻlida uchraydigan mustahkam jinlarni (ohaktosh, boʻr va b.) yirik boʻlaklarga (qalinligi birnecha oʻn, maydoni bir necha km²) boʻlib uzoq masofaga (bir necha oʻn va hatto yuz km) surib ketadi. Bunday boʻlaklar Leningrad viloyatida, Boltiq boʻyi va Belorusda keng tarqalgan.