ГЛУБИНА РАЗРУШЕНИЯ ЭМУЛЬСИИ

нефтни сувсизлантиришда эмулсиянинг сувсизланиш даражасини билдирадиган тушунча. Конларда нефт бошланғич ва кенг кўламда сувсизлантирилади. Нефтни бошланғич (бирламчи) сувсизлантириш иссиқлик ва кимёвий реагентларни энг кам сарфлаб, нефтни тайёрлашда ундан ажраладиган сув массасини ёʻқотиш мақсадида амалга оширилади. Бу жараён дастлаб эмулсияни тиндириб сўнгра сувни чиқариб ташлайдиган аппаратларда бажарилади. Бошланғич сувсизлантириш нефт мўл сувланганда (50дан 95%гача) қўлланилади. Нефт бошланғич сувсизлантирилгандан сўнг унда қолган сувнинг миқдори 15%дан ошмайди. Кенг кўламда сувсизлантириш нефтни тайёрлайдиган термокимёвий қурилмада иситиб, деемулгатор қўшиб ва тиндириб амалга оширилади. Бунда нефтда қолган сувнинг миқдори 0,5%дан ошмайди., Эмулсиянинг ажралиш кўлами