gir

гир

4 ta lugʻatda uchraydi JSON Shevalarda Barcha qidiruv natijalari

Izohli lugʻat

gir

Aylana, doira.

Besh-olti bola jam boʻlib, bir uy ichiga yerni aylana qilib chizdi. Bu — gir. — T. Murod, Qoʻshiq

Gir aylana 1. Aylanasiga, atrof-tevarakni oʻrab olgan. Azimboyvachchaning tashqari hovlisi gir aylana gʻishtin imorat. — S. Ahmad, Hukm. Gir aylanmoqGulsum keng doirani gir aylanib, zavq va shavq, bilan chalinayotgan childirma hamda chapaklar sadosiga berilib oʻynar edi. — P. Tursun, OʻqituvchiXonaga kirib qolgan bir yoʻlpashsha gir aylanib, samolyotdek vangʻillardi. — Mirmuhsin, Nuqra;Bir toʻyda, katta mehmonxonani gir aylanib oʻtirgan mehmonlar oʻrtasida suv sepganday jimlik hukm surardi. — P. Tursun, Oʻqituvchi
Gir atrof Tevarak-atrof, hamma yoq. Gir atrof shaftoli. te Jumaniyoz gir atrofga yugurib, tagʻin qoʻliga kesak oldi. — S. Siyoyev, Avaz
Gir urmoq (yoki tashlamoq) Bir tomonga ogʻib, aylanib turmoq, shox tashlamoq (uchayotgan varrak haqida). Gir shox urdi arazlagan varragi. — Gʻ. Gʻulom
Boshi gir aylanmoq Boshi gangimoq. Achchiq, oʻtkir tamakidan boshi gir aylanib, koʻzlari yoshlandi-da, yoʻtala-yoʻtala yurib ketdi. — Oybek, Nur qidirib