gʻildirak

ғилдирак

1 ta lugʻatda: Izohli yana 7 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

gʻildirak

ot 1. Arava, mashina yoki biror mexanizmning yurishi, harakat qilishi uchun xizmat qiladigan, oʻqqa oʻrnatilgan, aylanadigan, doira shaklli qismi.

Arava gʻildiragi. Avtomobil gʻildiragi.

Sal alaxsisang, universalning tishli gʻildiragi tagida qolib ketasan. — M. Mansurov, Yombi

Mana, kichik teleskopga oʻxshash asbobning gʻildiraklari harakatga keldi. — M. Mahmudov, Mangu kuy izlab

2. Gʻildirakka oʻxshash, aylana shaklli.

Tip-tiniq gʻildirak oynachasi bor, Oynakka toʻgʻri tik tuynukchasi bor. — Q. Muhammadiy

Tarix (yoki taraqqiyot) gʻildiragi Tarixiy taraqqiyot jarayoni. Gitlerchilar qonuniy taraqqiyot gʻildiragini orqaga aylantirib yubormoqchi boʻlgan edilar. — GazetadanTarix gʻildiragi aylanar izda, Xalqlar kurashadi kelajak uchun. — R. Bobojon.