ғижим

gʻijim

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ғижим И

сфт. Букланиб, эзилиб, тахи, текислиги бузилган.

[Акбарали] Ғижим қоғозни кафти билан яна текислаб, яна ўқиди, иккинчи анкетани ҳам олиб, солиштириб ўқиди. — А. Мухтор, Чинор

Тоғорага солиб ювсангиз ҳам, ғижим бўлмайди, материали жуда пишиқ. — Н. Аминов, Қаҳқаҳа

Ғижим кўйлакни киймайди, ботинкасини узоқ ишқалаб тозалайди. — А. Мухтор, Кумуш тола

Ғижим бахмал (ёки духоба) Бахмалнинг туклари бир текис, силлиқ бўлмасдан, ғижимланган каби товланиб турадиган хили. Магазиндан ўн метр ғижим духоба олдим.Муҳаббат бир кийим ғижим бахмал олиб чиқади, Турғун чўт уриш билан овора. — Н. Сафаров, Ҳаёт мактаби
Ғижим рўмол Ғўзапўчоқ шаклида бўртиқ нақшлар солиб тўқилган ипак рўмол. Гажак қўйган келинчаклар, ғижим рўмол ўраган қизлар фотография олдида ўралашиб қолишади. — С. Аҳмад, Уфқ

ғижим ИИ

сфт. с. т. Сиқим, чангал.

[Нусратилла] Белидаги бир қийиғини жаҳл билан шартта ечиб, бир ғижим пулни ялтироқ ғишт устига сочди. — А. Мухтор, Опа-сингиллар