Гидрогеологик ёпиқлик

М. А. Гаталский (1963) структураларнинг гидрогеологик ёпиқлиги ўлчови сифатида сувлар минераллашганлигининг (мг/л) сувли горизонт ётган чуқурликка (м) нисбатидан фойдаланишни таклиф этди. В. А. Кротова (1956) бошқа кўрсаткичдан — ер ости сувларининг бром коеффициентидан фойдаланишни тавсия этди. Бу кўрсаткич сувдаги бром миқдорининг (мг/л) 100 га кўпайтирилган қийматини сувли горизонтнинг ётиш чуқурлигига (м) нисбати орқали топилади. Гидрогеологик ёпиқлик коеффициенти қиймати қанчалик юқори бўлса майдоннинг нефт-газлилигига шунчалик қулай шароитлар мавжуд бўлган бўлади.