ГИДРОГЕОЛОГИЧЕСКИЕ ИССЛЕДОВАНИЯ НАГНЕТАТЕЛЬНЫХ СКВАЖИН

қудуққа суюқлик ҳайдаш чоғида гидрогеологик параметрларни аниқлаш учун бажариладиган тадқиқотлар. Ҳайдаш қудуқларида тадқиқотларни бажариш ва олинган натижаларга ишлов бериш усуллари суюқлик тортиб чиқарилаётган қудуқларники билан бир хил бўлади. Фақат кузатувда депрессия ўрнига қатлам босими депрессияси ва босимнинг тикланиши ўрнига унинг пасайиши қайд қилинади. Қатлам параметрлари қийматлари — сув қабул қила олиш коеффициенти, ўтказувчанлиги, пезоўтказувчанлиги, қатлам қудуқ туби зонасининг сув ўтказувчанлиги ва бошқа анъанавий формулалар билан ҳисобланади. Қудуқ ўзлаштирилгандан сўнг синов сув ҳайдаш амалга оширилади. Бунда ҳайдаш босими ва қудуқнинг бир неча турғунлашган режимлардаги сув қабул қила олишлиги ўлчанади. Ҳайдаш энг катта босим ва сув сарфидан бошланади, унинг қиймати ҳар бир босқичда 15—20% га аста-секин камайтириб борилади. Қудуққа ҳайдалаётган сув сарфи ер юзасида сарфўлчагич, босим эса намунали ёки дифференсиал монометр ёрдамида ўлчанади. Агар қудуқ ўзлаштирилгандан сўнг ювувчи қувурлар билан жиҳозланган бўлса, тадқиқотлар вақтида сув қувур ташқи бўшлиғига ҳайдалади, қувурлардан пезометр сифатида ер юзасида босим ўлчашда фойдаланилади., Ҳайдаш қудуқларининг гидрогеологик тадқиқотлари