ГИДРОГЕОЛОГИЧЕСКИЕ ИССЛЕДОВАНИЯ НАГНЕТАТЕЛЬНЫХ СКВАЖИН

quduqqa suyuqlik haydash chogʻida gidrogeologik parametrlarni aniqlash uchun bajariladigan tadqiqotlar. Haydash quduqlarida tadqiqotlarni bajarish va olingan natijalarga ishlov berish usullari suyuqlik tortib chiqarilayotgan quduqlarniki bilan bir xil boʻladi. Faqat kuzatuvda depressiya oʻrniga qatlam bosimi depressiyasi va bosimning tiklanishi oʻrniga uning pasayishi qayd qilinadi. Qatlam parametrlari qiymatlari — suv qabul qila olish koeffitsiyenti, oʻtkazuvchanligi, pezooʻtkazuvchanligi, qatlam quduq tubi zonasining suv oʻtkazuvchanligi va boshqa anʼanaviy formulalar bilan hisoblanadi. Quduq oʻzlashtirilgandan soʻng sinov suv haydash amalga oshiriladi. Bunda haydash bosimi va quduqning bir necha turgʻunlashgan rejimlardagi suv qabul qila olishligi oʻlchanadi. Haydash eng katta bosim va suv sarfidan boshlanadi, uning qiymati har bir bosqichda 15—20% ga asta-sekin kamaytirib boriladi. Quduqqa haydalayotgan suv sarfi yer yuzasida sarfoʻlchagich, bosim esa namunali yoki differensial monometr yordamida oʻlchanadi. Agar quduq oʻzlashtirilgandan soʻng yuvuvchi quvurlar bilan jihozlangan boʻlsa, tadqiqotlar vaqtida suv quvur tashqi boʻshligʻiga haydaladi, quvurlardan pezometr sifatida yer yuzasida bosim oʻlchashda foydalaniladi., Haydash quduqlarining gidrogeologik tadqiqotlari