ГЕРМЕТИЗИРУЮЩЕЕ УСТРОЙСТВО ГЕРУС

quvur tashqi boʻshligʻi germetikligini taʼminlash maqsadida qoʻllaniladigan moslama. Neft va gaz quduqlarini burgʻilashda mustahkamlash quvurlarini tejash maqsadida potay MQB tushiriladi. Quduqning bunday konstruksiyasida oldin tushirilgan quvurlar birikmasi bilan potay quvurlar birikmasining yuqori qismida hosil boʻladigan halqasimon boʻshliqda qatlam gazlari va suvlarning sizib kirishi yoki yuvuvchi suyuqlik qatlamga singishi mumkin. Bunday boʻshliq odatda sementlanadi, lekin koʻpgina hollarda u talab etiladigan germetiklikka javob berolmaydi. Bunday hodisalarni G.z.m. yordamida bartaraf etish mumkin. Bu moslama oʻz-oʻzidan zichlanadigan rezina manjetlar toʻplamidan iborat. U quvurlar oraligʻidagi boʻshliqqa oʻrnatiladi, natijada yuqoridagi quvurlar birikmasidan potay quvurlar birikmasiga silliq oʻtishni taʼminlaydi. G.z.m. 299x219 mm quvurlar birikmasi uchun TU 39—01—806—83 OST boʻyicha tayyorlanadi, yaʼni 299 mm li oraliq quvurlar birikmasini 219 mm li potay quvurlar birikmasiga oʻtishida quvurlar oraligʻidagi boʻshliqni germetik yopishini bildiradi., Gerus zichlagich moslamasi