Георгики

georgiki. Qishloq xoʻjaligi, dehqonchilik mavzuida yozilgan asarlardan iborat didaktik adabiyot turlaridan biri. Bunday asarlar antik sheʼriyatda juda koʻp yaratilgan. Masalan, Gesiod (eramizdan oldingi VIII—VII asrlar)ning «Ishlar va kunlar», Vergiliyning «Georgiki» kabi asarlari shular jumlasidandir. XVII—XVIII asrlar Yangi Yevropa adabiyotidagi bunday asarlarda qishloqni shaharga qarshi qoʻyish va tabiatga muhabbatni ifodalashda antik adabiyot uslubiga ergashish kuchli seziladi. Qishloqning kushchaqchaq va tinch hayotini tasvirlashda shartlilik kuchayadi. Mana shu jihatdan georgikilar bukoliqa (q.)larga yaqin turadilar. Masalan, Delilning «Bogʻlar» va «Qishloqi yoki fransuz georgikilari» asarlari shular jumlasidandir.