ГЕОЛОГО-ТЕХНОЛОГИЧЕСКИЕ ИССЛЕДОВАНИЯ

қудуқни бурғилашда бажариладиган геологик, геофизик, геокимёвий ва технологик тадқиқотлар мажмуаси. G.-t.t.ni геофизик ташкилотлар бажаради. Г.-т.т. ёрдамида олинадиган геологик материаллар — шлам, суюқлик намуналари АИЖ геолог томонидан ишланади ва талқин қилинади (қ. Автоматизированное рабочее место). Геофизик ва технологик маълумотлар Аижда инженер — технолог ёрдамида ишланади ва қатор параметрлар (қатлам босими, долотога тушаётган оғирлик, ротордаги момент ва б.)нинг ўзгариши аниқланади (қ. Измерения суточние). Бурғ қудуқда геологик-технологик тадқиқотлар тугаллангандан сўнг умумлаштирилган планшет тайёрланади, унда ҳамма маълумотлар акс эттирилади. Планшет қуйидаги (бошланғич, кейинчалик сақланадиган) материаллар асосида тузилади: эгри чизиқ кўринишидаги диаграммалар; рақамли маълумотлар; оператор-геофизикнинг технологик журнали; оператор-геологнинг иш журнали. Материалларни ишлаш натижалари бурғилаш устасига ўлчанган параметрларнинг қудуқ чуқурлиги ошгандаги ўзгаришлар кўринишида ҳамда тезкор тавсиялар ва огоҳлантириш шаклида етказилади. Бурғилаш устаси тавсиялар ва кўрсатмаларни олганлиги тўғрисида оператор журналига имзо чекади. Тавсиялар ва кўрсатмаларнинг айрим қисмлари бажарилмаса, Г.-т.т. оператори бурғилаш бригадасининг вахта журналида бу ҳақда ёзиб қолдиради ҳамда раён ва марказий инженерлик-технологик хизмат бюросига хабар қилади. Г.-т.т. СГТ—1, СГТ—2 ҳамда компютерлаштирилган СГТ—5 стансияларида бажарилади., Геологик-технологик тадқиқотлар