ГЕОЛОГО-ТЕХНОЛОГИЧЕСКИЕ ИССЛЕДОВАНИЯ

quduqni burgʻilashda bajariladigan geologik, geofizik, geokimyoviy va texnologik tadqiqotlar majmuasi. G.-t.t.ni geofizik tashkilotlar bajaradi. G.-t.t. yordamida olinadigan geologik materiallar — shlam, suyuqlik namunalari AIJ geolog tomonidan ishlanadi va talqin qilinadi (q. Avtomatizirovannoye rabochee mesto). Geofizik va texnologik maʼlumotlar AIJda injener — texnolog yordamida ishlanadi va qator parametrlar (qatlam bosimi, dolotoga tushayotgan ogʻirlik, rotordagi moment va b.)ning oʻzgarishi aniqlanadi (q. Izmereniya sutochnie). Burgʻ quduqda geologik-texnologik tadqiqotlar tugallangandan soʻng umumlashtirilgan planshet tayyorlanadi, unda hamma maʼlumotlar aks ettiriladi. Planshet quyidagi (boshlangʻich, keyinchalik saqlanadigan) materiallar asosida tuziladi: egri chiziq koʻrinishidagi diagrammalar; raqamli maʼlumotlar; operator-geofizikning texnologik jurnali; operator-geologning ish jurnali. Materiallarni ishlash natijalari burgʻilash ustasiga oʻlchangan parametrlarning quduq chuqurligi oshgandagi oʻzgarishlar koʻrinishida hamda tezkor tavsiyalar va ogohlantirish shaklida yetkaziladi. Burgʻilash ustasi tavsiyalar va koʻrsatmalarni olganligi toʻgʻrisida operator jurnaliga imzo chekadi. Tavsiyalar va koʻrsatmalarning ayrim qismlari bajarilmasa, G.-t.t. operatori burgʻilash brigadasining vaxta jurnalida bu haqda yozib qoldiradi hamda rayon va markaziy injenerlik-texnologik xizmat byurosiga xabar qiladi. G.-t.t. SGT—1, SGT—2 hamda kompyuterlashtirilgan SGT—5 stansiyalarida bajariladi., Geologik-texnologik tadqiqotlar