ГЕОДИНАМИЧЕСКИЙ АНАЛИЗ

плиталар тектоникаси мезонлари асосида геологик хариталаш методологияси. Г.т. методларига: 1) ҳудудни структуравий-моддий мажмуалар — геодинамик шароитлар индикатори асосида районлаштириш; 2) танлаб хариталаш мақсадида съёмка масштабини теленусхалаш ва айрим структуравий-моддий мажмуалар оралиғидаги ўзаро боғланишларни ўрганиш; 3) геофизик методлар: сейсмометрия (сейсмик тўлқинларнинг синиши ва қайтишини қўллаш), сейсмик томография, электрометрия, гравиметрия, магнитометрия, замонавий ва палеострессларни ўрганиш; 4) палеомагнит тадқиқотлар; 5) отқинди жинсларнинг геокимёвий тадқиқоти, нодир ер элементлари ва олдин аниқланмаган элементларни ва уларнинг изотоп нисбатини аниқлаш; 6) замонавий методлар ёрдамида магматик жинсларнинг мутлақ ёшини аниқлаш; 7) минералларнинг электркимёвий, механик ва термобарик тадқиқотлари; 8) геодинамик хариталаш киради. Г.т. натижасида ҳудудни кўҳна геодинамик шароити тикланади, шунингдек, олинган маълумотлар асосида геологик харитага (чоклар тури ва генезиси, турли пўстли зоналар, метаморфизм даражаси, магматизм генезиси ва хусусияти, ёриқлар ёши, блоклар ҳаракати вектори, чуқурлик кесимлари ва ш.к.) тузатишлар киритилади. Г.т. ўтказиш босқичлари: 1) тўпланган далилий материаллар таҳлили (нашр қилинган геологик хариталар, космик ва аэрофотосъемкалар); 2) олинган маълумотлар асосида геодинамик хаританинг ишчи моделини ишлаш; 3) ишчи моделни текшириш ва дала шароитида унга тузатиш киритиш; 4) ҳудуднинг ривожланиш моделини геодинамик харитада ифодалаш. Геодинамик таҳлил