Газетно-журнальный стиль или газетно-публицистический стиль

gazeta-jurnal uslubi yoki gazeta-publitsistika uslubi. Vaqtli matbuot, xususan, gazeta va jurnallarga xos uslub. Gazeta-jurnal uslubi ham u yoki bu davr tili normalari bilan bogʻliq holda oʻzgarib, rivojlanib boradi. Bayonning xabar va darak xarakterida boʻlishi, faktlarning aniqligi, ifodaning ixcham va ravshan boʻlishi gazeta-jurnal uslubining asosiy xususiyatlaridir. Hozirgi gazeta va jurnallarning uslubi juda ham murakkablashib ketdi. Chunki ularda chop etilayotgan materiallar turlicha xarakterga ega. Bir material xabardan iborat boʻlsa, ikkinchi bir material badiiy ocherk, hikoya, romandan parcha yoki sheʼriy asar boʻlib, ularning tilida obrazlilik, badiiylik ustunlik qiladi. Shuning uchun ham gazeta-jurnal uslubi termini faqat xabar yoki publitsistik maqolalar uslubiga nisbatan qoʻllaniladi. Chunki bunday xabar va maqolalar asosan gazeta va jurnallarda bosiladi.