gavdali

sft. 1. Gavdasi, jussasi katta, norgʻul, barvasta; jussali.

Bir vaqtlar gavdali va chiroyli boʻlgan oʻttiz yashar yigit hozir choʻpday ozib ketgan. — Oybek, Tanlangan asarlar

Yosh, lekin gavdali bir militsioner yigit kirib, hamma bilan salomlashib oʻtirdi. — S. Zunnunova, Olov

2. Aniqlovchi soʻz orqali ifodalangan jussaga ega boʻlgan.

Yoʻgʻon gavdali.

U oʻrta boʻyli, kichik gavdali, siyrak sariq moʻylovli, tiyrak koʻzli serharakat yigit. — Oybek, Tanlangan asarlar