gʻashlik

ot Ruhiyatdagi dilgir, gʻash holat; noxush, dilgir tuygʻu, taʼbi xiralik.

Kundoshlik — koʻngil gʻashlik. — Maqol

Bashirjonning diliga gʻashlik oraladi. Askar Bakirovichning ovozidan kayfiyati yaxshi emasligi sezilib turardi. — N. Aminov, Qahqaha

Nega, mening dilim, titraysan nechun, Nechun yuragimni tirnaysan, gʻashlik? — A. Oripov, Yillar armoni

ot Gʻishgʻisha, xarxasha, injiqlik.

Ertalab Anzirat xola kiyintirayotganida, bolaning gʻashlik qilib yigʻlayotganini, onasini yoʻqlaganini koʻrib, koʻngli buzilib ketdi. — A. Qahhor, Qoʻshchinor chiroqlari

Olib ketdim bari bir aldab, Qilsa hamki gʻashlik, ayyorlik. — Sh. Rahmon, Yurak qirralari

ot Gʻayirlik, dushmanlik.

Sizlarga mening gʻashligim yoʻq, ammo havasim keladi. — Mirmuhsin, Meʼmor.

1. dilgirlik, kewilsizlik

2. ójetlik, qıńırlıq

3. dushpanlıq

ruschaсмутное беспокойство, встревоженность, ревность, завистьinglizchanervousness, envy, restlessnessfransuzchainquiétude vague, trouble vaguearabchaقَلَقٌ, إِضْطِرَابٌ, غَيْرَةٌ, حَسَدٌ