гардиш

gardish

1 та луғатда: Изоҳли яна 3 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

гардиш

от 1. Буюмнинг айланма сирти; чамбар, чамбарак.

Чилдирманинг гардиши. Ғилдирак гардиши.

Раъно.. дўпписини қозиққа илиб, гардиши кенг кигиз қалпоғини олиб, устига ура-ура, чангини қоқди. — Ҳ. Назир, Сўнмас чақмоқлар

2. Доира шаклидаги нарса; доира.

Ойнинг гардиши. Қуёшнинг гардиши.

Ҳа, ой атрофида гардиш ясади: эртага ҳаво яхши бўлади. — С. Аҳмад, Қадрдон далалар

[Ойниса] Патирларни дастурхонга тугди, устига кеча бозордан олиб келган икки гардиш ҳолвани қўйди. — Ҳ. Ғулом, Тошкентликлар

Фалакнинг гардиши Дунёнинг ўзгаришлари; такдир, қисмат, пешона; кўргилик. Фалакнинг гардишини қарангки, ўша қариб уйланган отаси ҳали ҳаёт, онаси эса ёшгина оламдан ўтиб кетди. — Л. Тожиева, Меҳрим сизга, одамлар.Фалакнинг гардиши билан лўли қиз подшога кўнгил берибди. — Н. Сафаров, Катта карвон ёʻлда