gardish

гардиш

1 ta lugʻatda: Izohli yana 3 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

gardish

ot 1. Buyumning aylanma sirti; chambar, chambarak.

Childirmaning gardishi. Gʻildirak gardishi.

Raʼno.. doʻppisini qoziqqa ilib, gardishi keng kigiz qalpogʻini olib, ustiga ura-ura, changini qoqdi. — H. Nazir, Soʻnmas chaqmoqlar

2. Doira shaklidagi narsa; doira.

Oyning gardishi. Quyoshning gardishi.

Ha, oy atrofida gardish yasadi: ertaga havo yaxshi boʻladi. — S. Ahmad, Qadrdon dalalar

[Oynisa] Patirlarni dasturxonga tugdi, ustiga kecha bozordan olib kelgan ikki gardish holvani qoʻydi. — H. Gʻulom, Toshkentliklar

Falakning gardishi Dunyoning oʻzgarishlari; takdir, qismat, peshona; koʻrgilik. Falakning gardishini qarangki, oʻsha qarib uylangan otasi hali hayot, onasi esa yoshgina olamdan oʻtib ketdi. — L. Tojiyeva, Mehrim sizga, odamlar.Falakning gardishi bilan loʻli qiz podshoga koʻngil beribdi. — N. Safarov, Katta karvon yoʻlda