ғараз

сфт. 1. кам қўлл. Шахсий манфаат; мақсад, ният.

Буни кўриб, Сидиқжоннинг қалбида бу жувонга нисбатан ҳар қандай ғараздан холи бир меҳр уйғонди. — А. Қаҳҳор, Қўшчинор чироқлари

Йигитали бу муносабат тагида нима бор — бирон ғараз, манфаат ёки шунчаки одамгарчиликми — билмасди. — Д. Нурий, Осмон устуни

Бир неча кун яхшигина яшадилар энди билсак, қиз ўлгурнинг ғарази бошқа экан. — Чўлпон, Кеча ва кундуз

2. Ёмонлик кўзда тутилган мақсад, кўролмаслик муносабати.

Дастлаб унинг муомалалари Нурига дағалроқ кўринса-да, кейинча унда ҳеч қандай адоват, ғараз ёʻқлигини, табиати шундай кескинроқ эканини тушунди. — Ойбек, Танланган асарлар

Ўзаро низонинг дард-у марази Тинкамизни қуритди, хуноба қилди. Талашган хонларнинг кек-у ғарази Етди юрт бошига — хароба қилди. — М. Шайхзода