ГАЛЬВАНОМЕТР

Галванометр — ток кучи ёки кучланишни ўлчайдиган сезгир электр асбоби. Г. паст ток кучи (1 мка дан кичик) ва кучланиши 100 мкв дан кичик миқдорларни ўлчайдиган асбоб. Геофизик тадқиқотларда ойнали магнитоелектрик Г. ишлатилади. Г. токли рамка ва магнит системасидан иборат. Рамкадан электр токи ўтганда магнит майдони ҳосил бўлади ва бу майдон магнит системаси майдонига таъсир этиб рамкани айлантиради (оғдиради). Бу оғиш фотоқоғозда галванометр шуъласини акс эттиради ва горизонтал, вертикал ҳамда ш.к. чизиқ, белгиларни тасвирга туширади.