ГАЛЬВАНОМЕТР

Galvanometr — tok kuchi yoki kuchlanishni oʻlchaydigan sezgir elektr asbobi. G. past tok kuchi (1 mkA dan kichik) va kuchlanishi 100 mkV dan kichik miqdorlarni oʻlchaydigan asbob. Geofizik tadqiqotlarda oynali magnitoelektrik G. ishlatiladi. G. tokli ramka va magnit sistemasidan iborat. Ramkadan elektr toki oʻtganda magnit maydoni hosil boʻladi va bu maydon magnit sistemasi maydoniga taʼsir etib ramkani aylantiradi (ogʻdiradi). Bu ogʻish fotoqogʻozda galvanometr shuʼlasini aks ettiradi va gorizontal, vertikal hamda sh.k. chiziq, belgilarni tasvirga tushiradi.